Браво! Вработени во скопски маркет згрижија куче скитник и го чуваат на топло во студените денови

Детали

петок, 12 јануари 2024

„Убавицава преку ден е внатре, навечер спие на топло помеѓу двете врати. Најадена, стоплена и никому не пречи. Секоја чест за вработените во маркетот и тафталиџани“, стои во виралната објава на Фејсбук.

На Фејсбук наголемо се споделува објавата на Маја Бабиќ, која ги пофали вработените во маркет во Тафталиџе, а кои се грижат за куче скитник, па во студените денови му дозволуваат да седи во маркетот, го хранат, а навечер го оставаат и да спие внатре засолнето од студот.

„Убавицава живее во ‘Кит-Го’ маркети во Тафталиџе. Преку ден е внатре, навечер спие на топло помеѓу двете врати. Најадена, стоплена и никому не пречи.

Секоја чест за вработените во маркетот и тафталиџани“, пишува во објавата на Маја на Фејсбук.

Овие фотографии предизвикаа многу позитивни реакции на социјалните мрежи, но и куп пофалби за вработените.

Луѓето коментираат дека нивниот гест е за поздрав, а има и такви што велат дека често пазарат во маркетот и го знаат кучето, па го опишуваат како весело и мирољубиво и додаваат дека сите го сакаат.

„Да живеам во Тафталиџе само таму би пазарел“,

„Се мислам, дали е добро да се сподели ова да не се пожали некој, па да им забранат на вработените да го чуваат и да остане на студот“,

„Браво за хуманоста, секоја чест“ се само дел од коментарите.

А. Ј. | Црнобело