Како изгледаше првата супермесечина во август 2023 во Македонија, а како во светот?

Детали

петок, 04 август 2023

Во август 2023 ќе се случи редок астрономски феномен - две супермесечини во еден месец. Сите кои уживаат во погледот кон небото и ѕвездите, имаа можност да ја „уловат“ првата супермесечина на 1-ви август, која го осветли небото ширум светот.

На 1 август 2023 се случи првата од двете супермесечини овој месец – редок астрономски феномен кој нема да се повтори до 2037 година.

Огромната месечина, која беше оддалечена 357.530 километри од Земјата, предизвика воздишки кај оние што ја видоа. Таа ги инспирираше и фотографите од цел свет да ги направат најубавите фотки во нивните градови, археолошки локалитети, покрај плажа, во селата...

Фотографија од супермесечината која изгрева над кулите Џевахир објави Скопското астрономско друштво, а автор на фотката е Боби Кузманоски.

„Супермесечина“ е полната месечина која со својата орбита е најблиску до Земјата и тогаш изгледа малку поголемо и посветло од вообичаено.

Следната супермесечина, позната и како „сина супермесечина“ ќе се случи на 30 август, а супермесечина ќе има и во септември 2023.

Погледнете како изгледаше овој редок феномен низ објективот на фотографите од цел свет:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 

А. Ј. | Црнобело