Необична традиција во Србија: Гробари организираат „Гробаријада“, имаат торта во форма на мртовечки ковчег (фото+видео)

Детали

среда, 25 октомври 2023

„Работата на гробарите е особено стресна, сериозна и одговорна. Во текот на целата година сме на гробишта и погреби, па еден ден во годината можеме и ние да се опуштиме и да се веселиме“, вели претседателот на Здружението на гробари од Србија за веќе традиционалниот собир познат како „Гробаријада“. Гробарите од Србија, но и од регионот, веќе 12-ти пат го организираат собирот каде што најчудниот детаљ е огромната торта во форма на мртовечки ковчег.

фото: Фејсбук

Сопствениците и вработените во погребни служби во Србија имаат навистина необична традиција.

Еднаш годишно, тие организираат настан кој го нарекуваат „Гробаријада“ каде што се дружат, јадат и пијат, но играат и ора.

А, најчудниот детаљ во целата прослава е тортата во форма на мртовечки ковчег.

Овој октомври, тие ја одржаа 12-тата по ред „Гробаријада“ во Петровац, а на прославата имале огромна торта во форма на мртовечки ковчег.

На видеа споделени на социјалните мрежи се гледа и дека „ковчегот“ се отвора, а од него излегува густ бел чад.

Според претседателот на Здружението на гробари од Србија, годинава присуствувале и колеги од Грција, Босна и Херцеговина, Унгарија и Хрватска, но и од Македонија.

„Работата на гробарите е особено стресна, сериозна и одговорна. Во текот на целата година сме на гробишта и погреби, па еден ден во годината можеме и ние да се опуштиме и да се веселиме.

Не организиравме ’Гробаријада‘ само кога имаше корона, но уште сега е договорено дека следното собирање ќе биде во Крушевац, а собирот во 2025-та ќе биде во Параќин“, изјавил тој за српскиот медиум Telegraf.

View this post on Instagram

A post shared by Telegraf.rs (@telegraf.rs)

Слична изјава дал и за минатогодишната „Гробаријада“:

„Нашата цел е да се запознаеме, да се зближиме, да поразговараме, но и да се опуштиме“.

Според сопственик на една српска погребна служба, овој собир е навистина важен за луѓето од оваа професија.

„Сите имаме исти проблеми, не е лесно секојдневно да се сретнувате со луѓе кои ги изгубиле своите најмили.

Не можете да се дистанцирате до тој степен и да не ја чувствувате нивната болка“, вели тој за Telegraf.

@dejan_toki88

Grobarijada 2023

♬ Maratonci Trče Počasni Krug - Zoran Simjanović

Спирова С. | Црнобело

фото: Фејсбук