Милан Поповиќ, бившиот на Северина, чека петто дете - за 28 години помладата сопруга има само пофални зборови

Детали

вторник, 12 септември 2023

„Таа е од добро семејство, згодна е, образована, млада, остроумна, снаодлива и секогаш подготвена на шега. Со неа нема расправии ниту кога е бремена“. Со овие зборови, бившиот партнер на Северина, Милан Поповиќ ја величи својата 28 години помлада сопруга, која е бремена по четврти пат, само 10 месеци откако се породи со третото дете.

Бившиот партнер на Северина, Милан Поповиќ (57) го чека своето петто дете. Неговата сопруга Бојана (29) е бремена по четврти пат, само 10 месеци откако се породи со ќерката Софија.

Како што пренесуваат српските медиуми, кралот на бакарот, повторно чека син, а неговата сопруга е во 4-тиот месец од бременоста.

Фото: Принтскрин

За потсетување, тој од врската со Северина го доби синот Александар, а со сопругата Бојана има два сина Милан и Ѓорѓе, како и ќерката Софија, која се роди во октомври, минатата година.

Инаку, Милан кој во изминатите неколку години постојано дава интервјуа во кои се обидува да ја оцрни и да ја критикува својата поранешна партнерка Северина, не штеди на пофалните зборови кога станува збор за неговата сопруга.

Досега повеќепати дал интервјуа во кои се обидел да ја прикаже Северина како лоша и неодговорна мајка, а во една пригода дури рече дека се сомнева и дека таа е зависничка од опојни супстанции.

Неговата сопруга, Бојана, за разлика од Северина, не сака воопшто да се експонира во јавноста. Таа доаѓа од угледно белградско семејство и студирала маркетинг.

„Се запознавме во Белград. Бојана студираше маркетинг, таа е од добро семејство, згодна е, образована, млада, остроумна, снаодлива и секогаш подготвена на шега.

Со неа нема расправии ниту кога е бремена, иако тогаш жените знаат да бидат мошне каприциозни. Таа е мила, прекрасна мајка, што ми е мошне важно“ – изјави тој во една пригода.

Доказ дека Бојана сака да го живее животот подалеку од очите на јавноста е и тоа што таа воопшто не е присутна на социјалните мрежи, а нејзини фотографии во медиумите речиси и да нема.

Исто така, јавноста не знае ниту кое е нејзиното презиме, а за неа се знае само она што Милан сака да се дознае.

Прочитајте и Бившиот на Северина со шокантни откритија: „3 месеци бегав од нејзините хистерии, мислам дека е зависничка“ (видео)

Б. С. Б. | Црнобело