Очекувано, новиот Passat ги освои максималните 5 ѕвезди на Euro NCAP

Независната европска организација за заштита на потрошувачите Euro NCAP му ги додели максималните 5 ѕвезди на новиот Passat. Со тоа новиот Passat од осмата генерација, се смета за еден од најбезбедните автомобили во светот.

Овој исклучителен резултат, новиот Passat го наследи од  својот претходник, кој го постигна истиот резултат во 2010 година.

Euro NCAP - програмата за оценка на нови автомобили е најважниот тест за безбедноста на возилата, кој се спроведува уште од 1997 година.

Новиот Passat ја продолжи серијата на одлични резултати на NCAP тестот, благодарение на врвниот безбедносен пакет кој се состои од оптимизирана структура на каросеријата, високо ефикасниот сигурносен ремен, систем на воздушни перничиња како и иновативни системи за помош на возачот.

Највисокиот рејтинг од пет ѕвезди за новиот Passat е резултат на одличните оцени  кои беа добиени во сите четири под категории: заштита на патниците, заштита на возрасните и децата, заштита на пешаците и безбедносна поддршка.