Спасе Манев, колекционер на важечки банкноти: „Сакам да ја најдам банкнотата од Северна Кореја, ретко кој собира важечки банкноти“

Постои ли точно определен начин на којшто треба да се чуваат банкнотите?

Има специјализирани албуми во кои се чуваат само банкноти, но за жал кај нас во Македонија такви албуми не се наоѓаат, па морав да го порачам од Америка.

Овој начин на чување на банкнотите во албум ги заштитува самите банкноти од оштетување.

Се доаѓа ли лесно до банкноти од целиот свет?

Па искрено и да и не. Од поблиските држави и од тие држави од каде што сме подобро поврзани со летови од Македонија и регионот, се доаѓа полесно до банкноти, но од тие држави што не сме добро поврзани, е многу потешко.

На пример од голем дел од афричките држави е многу тешко да се обезбедат банкноти. Исто така и од некои држави од Азија.

Кои се придобивките да се биде колекционер?

Пред сè, како и сите хобија, така и ова е хоби кое ги одвлекува мислите од сите проблеми и стресови кои ни се случуваат во секојдневието, а исто така хобито ме прави повеќе среќен и ми претставува големо задоволство.

Дали освен банкноти си правел и други колекции, какви? 

Во главно во моментов најмногу сум сконцентриран на колекционирањето на банкноти, но покрај банкнотите, колекционирам и други работи, како полудрагоцени камчиња, магнети за на фрижидер, карти за играње, фигури од популарните филмови на Marvel, DC и Star Wars и разни споменчиња од туристичките места што ги посетувам.

Како реагираат другите на твојата колекција?

Луѓето ме поддржуваат и ми помагаат.

Многу често се случува пријатели и познаници да ме видат по медиумите и социјалните мрежи и да ме поздрават и да се восхитат на ова хоби.

Дури некои пријатели бараат преку нивни пријатели за да ми помогнат во колекцијата.

Постојат ли многу колекционери на банкноти во Македонија?

Колекционери на стари банкноти постојат многу, но колекционери на сè уште важечки банкноти сè уште не сум сретнал во Македонија, иако би сакал, пред сè поради тоа што многу лесно би си помогнале во колекционирањето.

Се надевам дека еден ден ќе се појават некои колекционери како мене на важечки банкноти и ќе си помагаме во колекционирањето.

Ако и вие сте колекционер и сакате да ја споделите вашата колекција и приказна со нашите читатели, пишете ни на Оваа е-адреса е заштитена од спамботови. Треба да ви е овозможено JavaScript за да ја видите.

©CRNOBELO.com Забрането преземање и копирање. Крадењето на авторски текстови е казниво со закон.

Б. С. Б. | Црнобело