Давор Арсовски: „Чувам був, Буба може да нанесе сериозни повреди и мора внимателно со неа“

Какво живеалиште има Буба? Какви услови се потребни за да се чува був?

Голема волиера и сталак, пред сè прво треба многу учење од искусен соколар, а потоа живеалиште, опрема и на крај да се купи птица.

Те повредил ли некогаш? Какви повреди се можни?

Досега не, се надевам дека и понатаму нема да се случи тоа.

Инаку, може да нанесе сериозни повреди, сепак тоа е најголема ноќна птица грабливка.

Прави ли нечистотии дома?

Нормално како и секоја птица, но не како што прави јастребот.

Ти избегал ли некогаш?

Досега не, се надевам дека и нема никогаш.

Како изгледа дресирањето на еден був?

Од страна изгледа лесно, пред сè треба многу време, знаење, трпение и љубов.

Како реагираа домашните на твојата одлука да чуваш був? Дали е приврзан и за некоја друга личност? Кој го чува кога одиш на одмор?

На почетокот не им се допадна искрено, но сега сите го сакаат.

Не е приврзан за никого, затоа што без мене никој не оди кај него, сепак тоа е птица грабливка и секој пристап кај него е важен.

Кога мора да сум отсутен, го чува мој пријател исто соколар.

Колку години живеат бувовите?

Во природа живеат околу 20 години, а во домашни услови околу 60 години.

Прави ли врева?

Не, воопшто не испушта звуци.

Колку е трошок на месечно ниво да се чува був?

Околу 100 евра.

Кој миленик би сакал да му прави друштво на Бубо Бубо во иднина?

Златен орел (Golden eagle).

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело