Ирина од Скопје чува сфинкс мачка: „Нала многу сака да се гали и не е дива, идеална храна ѝ е сирово месо“

Каков карактер има Нала? Сака да се гали или е дива?

Премногу е мила и секогаш е расположена за галење. Воопшто не е дива како што изгледа.

Сфикнс мачките се практично кучиња заробени во тело на мачка, а јас би рекла дека има повеќе карактеристики на куче отколку на мачка.

Како реагираат твоите пријатели кога ќе ја видат?

Мислењата се поделени кога ја гледаат на слики, а во живо буквално сите се заљубуваат во неа. Премногу е мила и нежна.

Си ја изнела ли надвор? Какви се реакциите на луѓето што првпат ја гледаат?

Сè уште не бидејќи нема крзно и не е препорачливо на ладно време да се изнесува.

Не треба да се изнесува надвор ни на силно сонце, бидејќи кожата ѝ е нежна и лесно може да ѝ направи изгореници. 

Како реагира кога сакаш да ја облечеш?

Соработува, потполно ми верува и дозволува да правам сè што треба, без разлика дали е тоа облекување, сечење нокти или бањање.

А облеката ѝ ја купувам онлајн.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело