Дамјан (27) од Скопје работи како тениски тренер во Дубаи: „Се запознав со Федерер, пијачките во просек се 20 долари, а градот никогаш не спие“

Како те прифаќаат таму како дојденец? Со кого најмногу се дружиш?

Со оглед на тоа што само 7% од населението се локалци, да си странец тука е најчеста работа. А со тоа и луѓето се многу отворени за дружење.

Имав среќа да по случајност се погодивме да дојдеме во Дубаи со поблиски мои пријатели од Македонија па и со нив се дружам најмногу.

Скап ли е животот? Направи ни некоја споредба со цените.

Иако се смета за скап град не би рекол дека е поскап од секоја голема европска и светска метропола, можеби и поевтин за одредени работи.

Цените во маркетите се малце поголеми од маркетите во Скопје и дури и со светската криза не се качија значително.

Скапи во Дубаи се пијачките кои се околу 20$ во просек и јадењето во угостителски објекти, иако пак би повторил ништо позначително скапо во однос на останатите светски метрополи.

Но мислам дека тука тоа што го добивате за парите што ги давате е многу повредно.

На пример, со киријата, која е околу 1000$ за просечна еднокреветна соба, зависно од локацијата, во најголем дел од зградите ви следи и теретана, базен, 24/7 обезбедување, паркинг.

Дали е лесно да се заработи таму за пристоен живот со оглед на тоа што се смета за скапо место? Што е луксуз, а што е нормално и просечно таму?

Лесно не е сигурно, конкуренцијата тука е многу силна, но работата и трудот дефинитивно се исплаќаат многу.

Атрактивната работа кај Дубаи е што дури и нормалното и просекот се исто така опкружени со луксуз и квалитетна услуга.

Притоа нема никаков персонален данок што е дополнителен бенефит.

Има ли добар ноќен живот? Како го поминуваш слободното време таму?

Ноќниот живот тука не запира, забава има во секое време и константно се отвараат нови локали/клубови/кафичи. Кога сум слободен пробувам да посетам различна локација секој пат, најчесто нов локал или знаменитост што сè уште не сум ја посетил.

Што ти е најчудно од животот таму? Има ли нешто што ти смета?

Можда како последица на тоа што е туристички град и најчесто луѓето живеат само неколку години тука, но односите меѓу луѓето тука се дефинитивно поладни, секој си е во свој свет на „бркање на сонот“, ама пак од друга страна и тоа ги прави многу поотворени за започнување дружба.

Да ми смета нешто и нема баш, можда целиот тој гламур и луксуз е пренагласен на моменти, ама не е тоа за големи поплаки.

Кои места се задолжителни за посета таму? Некој совет за тие што сакаат да го посетат Дубаи?

Секако сите познати знаменитости и области во Дубаи за кои нема да ви требаат повеќе од два три дена да ги посетите.

Исто така задолжителни се турите во пустината, препорачливо и шопинг во најголемиот шопинг центар во светот и ако буџетот тоа го дозволува да одите на ручек/вечера во еден од многуте елитни ресторани.

За младите кои се по забавата би препорачал да идете на еден од многуте „brunch“-ови секоја сабота кои се најпопуларните забави во Дубаи.

Би живеел ли засекогаш таму и зошто да/не? Кои ти се плановите за иднина?

Не знам дали засекогаш, но се надевам дека ќе бидам тука во наредните неколку години. Светот се менува константно а и моите планови исто така па би оставил на времето да покаже.

Повеќе фотки од Дамјан во Дубаи:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

М. М. | Црнобело