Храна која ја подмладува вашата кожа и треба почесто да ја консумирате

Боровинки

Доколку сакате да имате мазна и нежна кожа, слободно повикајте ги боровинките „на помош“. Овие превкусни плодови содржат силни антиоксиданти кои ги лечат акните, ја чуваат кожата од нападите на слободните радикали и ја постигнуваат потребната рамнотежа на кожата кога таа е масна.

И тоа не е сѐ, бидејќи боровинките исто така се многу корисни при намалување на досадните брчки околу усните и очите.

Јаболка

Вистината е дека не можете да го запрете времето и да го спречите стареењето, но сепак, она што можете да го направите е да го забавите процесот на стареење грижејќи се за вашата кожа да изгледа беспрекорно и сјајно.

Јаболката изобилуваат со многубројни хранливи состојки кои го задржуваат младиот изглед на кожата, а воедно го чуваат и вашето целокупно здравје.

Можете да си направите домашна маска за лице или едноставно започнете го денот на здрав начин и изедете едно јаболко.

Чоколадо

За беспрекорен и млад изглед на кожата на помош доаѓа и чоколадото. Моќните антиоксиданти кои се наоѓаат во црното чоколадо го забавуваат процесот на стареење на кожата и истовремено ја штитат од штетното влијание на сончевите зраци, а со тоа превентивно влијаат на појавата на брчки и промената на бојата на кожата.

Консумирајте редовно црно чоколадо, направете си домашна маска или пилинг, воедно уживајќи и грижејќи се за својата кожа. 

Цвекло

Цвеклото е дар од природата и одличен еликсир за убавина, а тоа не е ни малку случајно. Редовното конзумирање на цвекло и сок од цвекло му ги овозможува на организмот потребните хранливи состојки, а кожата ја прави блескава и сјајна.

Благодарение на своите антивоспалителни својства, цвеклото ги лекува воспаленијата на кожата, ја прочистува крвта и ги отстранува токсините од вашето тело.

Нанесувањето на сок од цвекло врз лицето, помага во отстранување на мртвите клетки, давајќи ѝ мекост и сјај на вашата кожа. 

Тиква

Како и горенаведените дарови од природата, така и тиквата има огромен број на здравствени придобивки, како за кожата, така и за целокупното здравје.

Тиквите имаат антивоспалително дејство и помагаат при воспаленија, а според најновите истражувања помагаат и при справување со стресот.

Она што е од важност за нега на кожата е тоа што тиквата содржи високо ниво на витамин Ц и го стимулира производството на колаген, што ја прави кожата сјајна и еластична.

Исто така, го спречува предвременото стареење на кожата и е упорен борец против кардиоваскуларните болести. 

 Б. К. | Црнобело