Еден од најубаво уредените домови во регионот се наоѓа во Србија (фото+видео)

„Ентериерот на нашиот дом треба да го носи печатот на нашите души. Тој не треба да биде совршен, туку огледало на нашиот живот и на тоа што го носиме во себе“, испраќа моќна порака Елена Караман од Србија.

Елена Караман од Србија е дизајнер за ентериер и ќерка на познатата српска модна дизајнерка Верица Ракочевиќ.

Таа поседува раскошен дом во близина на Белград, уреден со многу внимание и на најситните детали и слободно може да се каже дека е еден од најспецифично уредените домови во регионот.

Елена за својот дом на Инстаграм напиша:

„Мојот дом, мојот интимен храм.

Ентериерот треба да го носи печатот на нашите души. Тој не треба да биде совршен, туку огледало на нашиот живот и на тоа што го носиме во себе.

Јас уредувам слоевито и затоа како дизајнер поминувам многу време со клиентите во интимни разговори, кои најмалку имаат врска со декорацијата и архитектурата.

Темите како што се уметност, литература, годишното време кое најмногу ги радува, музиката, епохата што посебно ги интригира се моите насоки за работа.

Лесно е да се дизајнира и проектира куќа, малку е потешко од куќата да се направи дом. Да се направи огниште околу кое генерации ќе ги пишуваат своите лични семејни легенди“.

Кликнете на видеото за да видите како е уреден домот на Елена:

С. С. | Црнобело