На гости кај Ивана Нуне: Куќа во Скопје со доминација на црно и двор од 100m2

Детали

сабота, 23 ноември 2024

„Досега живеевме во стан, но желбата куќа со двор и место за релаксација, каде што нашите деца ќе може да уживаат секојдневно, беше пресудна за нашата одлука да изградиме дом што го сонувавме. Целиот процес на изградба и уредување траеше 9 месеци, и низ секоја фаза уживав да бидам активно вклучена“ - раскажува за CRNOBELO.com Ивана. 

Ивана е дипломиран бизнис менаџер, моментално работи од дома како координатор на турска болница за операција на желудник и естетика, додека нејзиниот сопруг Раде Нуне е професионален музичар и фронтмен на бендот „Бендот на Браќа Нуне“. 

Нивната семејна куќа се наоѓа во Скопје, на само неколку минути од центарот на градот, со внатрешна површина од 85m² и двор од 100m².

Во домот преовладува хармонична комбинација на светли и топли тонови, со доминација на црни детали во речиси секоја просторија, освен детската соба. 

За преселбата и уредувањето на домот, Ивана за CRNOBELO.com вели: 

„Пред неколку недели се преселивме во новиот дом. Досега живеевме во стан, но желбата за простор, куќа со двор и место за релаксација, каде што нашите деца ќе може да уживаат секојдневно, беше пресудна за нашата одлука да изградиме дом што го сонувавме.

Среќна сум што успеавме да го реализираме тоа пред 30-тата година од животот.

Кога почнавме со уредување, имав јасна визија за стилот и атмосферата што сакам да ја создадам, па затоа со голема радост се посветив на секој детаљ заедно со дизајнерката Софија од студиото за дизајн кое го ангажиравме.

Меѓу најважните аспекти за мене беше домот да ги отсликува нашите лични вредности, а Софија успешно го направи ова, создавајќи место кое е уникатно и целосно наше.

Нејзината креативност и идеи беа од голема помош, но сепак, имав слобода да додадам свои елементи и да ја реализирам визијата што ја носев во себе. 

Денес, куќата изгледа токму онака како што ја замислувавме на почетокот – современ уникатен простор кој зрачи со топлина.

Црната боја беше мојот избор, бидејќи додава софистицираност и елеганција, додека крем и зелените детали го комплетираат просторот, носејќи топлина и свежина.

Стилот е современ, со минималистички линии, но сепак секој ќош нуди удобност и чувство на мир.

Секој дел од мебелот е направен по нарачка за да се вклопи совршено, и сите детали се внимателно избрани баш онака како што беа на завршниот проект кој го добивме од Софија.

Продолжува на следната страница...