5 Фризерски совети за брз раст на косата

Пробавте сѐ и никако не можете да ја израснете косата? Тогаш, овие совети со сигурност ќе ви помогнат.

Освен што косата брзо ќе ви расте, таа ќе остане здрава и негувана. Почнете од денес да ги практикувате овие 5 фризерски тајни:

1. Користете хидратантна маска еднаш неделно

Фарбањето, регенераторите и честата употреба на лак или пена за стилизирање ја сушат косата и го забавуваат нејзиниот раст. Затоа, одберете производи кои содржат хидратни состојки, со цел косата да остане здрава и да ја обнови својата внатрешна структура. Оваа маска користете ја еднаш неделно и држете ја од 3 до 5 минути.

2. Нежно четкање на косата

Познатите фризери препорачуваат да се користат дрвени четки со запци од природни влакна, а четкањето да се одвива од краевите на косата па потоа од коренот надолу. На тој начин ќе го намалите пукањето и кршењето на косата. 

3. Обрнете внимание на краевите на косата

За вашата коса да биде долга или барем да создадете илузија на долга коса, нејзините краеви мора да бидат здрави и сјајни. Затоа еднаш на два месеци кратете ја косата барем по 1 сантиметар.

4. Нега на косата однатре

Кога е во прашање здравата коса, протеините се вистинскиот одговор. Редовното консумирање на јајца, моркови, разни салати, апетисани како ореви, лешници или бадеми ќе направат вашата коса брзо да порасне.

5. Заштита од оштетување

Избегнувајте косата да ја врзувате премногу силно или често да употребувате алатки како преса или фигаро. Исто така, во текот на топлите денови заштитете ја косата со шешир, со цел да го зачувате нејзиниот природен заштитен слој.