Вељуса и Вељушкиот манастир во струмичко – божја убавина стара 1000 години (фото)
Селото Вељуса, лоцирано во северозападниот дел на Општина Струмица, претставува населено место во Струмичката Котлина, сместено во подножјето на планината Еленица, односно на допирот на подножјето со рамничарскиот дел на Струмичкото Поле.
Вељуса има долга и богата историска традиција уште од најраните древни времиња, а особено со изградбата на познатиот Вељушки манастир посветен на Пресвета Богородица Елеуса (Милостива) во раниот среден век во 1080 година (XI век) по којшто селото го добило и своето денешно име.
Порано селото се викало Палеокастро, но откако се изградил манастирот посветен на Елеуса (Милостива), селаните кога доаѓале накај црквата викале: Одиме во Елеуса… Велеуса.
Станува збор за народно предание, кое се смета и за најверодостојно.
Во внатрешноста на манастирот се зачувани оригинални делови од најстариот мермерен иконостас и фрагменти од мозаичните декорации на подот. Мошне е ретка и фреската на Исус во куполата, бидејќи Исус ретко се прикажува како дете на 12 години.
Манастирот стар 1000 години е сведок на времиња и невремиња, но сè уште стои цврсто и непоколебливо, со тивко ветување дека ќе биде тука и во следните 1000.
Погледнете ја божјата убавина во Вељуса:
https://www.instagram.com/p/B2QA77SnHbd/
https://www.instagram.com/p/CGe_oMfBu5V/
https://www.instagram.com/p/BW2dHIRlM4b/
(О)Милена | Црнобело
Би можело да ве интересира:
Препорачуваме
Најчитани неделава
