Mодели на чевли кои изгледаат одлично на Инстаграм, но не се практични во реалноста

Легендарните штикли со црвен ѓон на Louboutin се едни од најпосакуваните и денес лесно можете да најдете и поевтини копии, но не се погодни за секој ден. Поради светлата боја, на ѓонот ќе се познаваат и најмалите нечистотии и гребаници.

Денес повеќето девојки и жени црпат инспирација од модните инфлуенсерки. А, инфлуенсерките навистина знаат како да ги прикажат чевлите, облеката и модните додатоци во најдоброто светло.

Проблемот е што некои од овие работи иако изгледаат беспрекорно на нивните Инстаграм фотки, во реалноста се далеку од практични.

Популарни модели на чевли на Инстаграм кои не се практични во реалноста:

Високи, широки чизми

Чизмите до над колена се огромен хит, а изминатава зима кај инфлуенсерките доминираа широките модели.

Но покрај тоа што широките модели ќе направат вашите нозе да изгледаат пошироко, тие не се најпрактични за одење бидејќи ќе ви паѓаат.

Пластични и чевли со пластични детали

Проѕирните пластични чевли навистина изгледаат добро на фотографии, но поради материјалот од којшто се направени, не ѝ дозволуваат на кожата да дише, па прекумерното потење на стапалата е неизбежно.

Кога станува збор за пластични детали, како пластична штикла, брзо можат да се извалкаат и да им се направат гребаници.

Сандали со мека платформа

Сандалите со мека платформа како „мемори пена“ на почетокот се навистина удобни. Но, по само неколку носења платформите ќе ја изгубат првобитната форма и покрај тоа што ќе изгледаат лошо, нема да му ја дадат потребната поддршка на телото, секако зависно од квалитетот.

Чизми со крзно

Крзното на овие чизми лесно се валка, особено ако има светла боја.

Влечки со крзно

Покрај валкањето што е проблем и кај чизмите со крзно, овие влечки и сандали не се погодни за топло време.

Од крзното сигурно ќе ви биде многу топло, а ќе се зголеми и потењето на стапалото со тоа предизвикувајќи лош мирис.

Чизми со отворени прсти

Овие чизмички изгледаат женствено и елегантно, но може да биде тешко да ги вметнете во комбинација.

Не можете да ги носите зимно време бидејќи воопшто не топлат. А, не можете да ги носите ниту во лето бидејќи сепак се чизми и ќе ви биде премногу топло во нив.

Чевли од велур и сатен

Сатенот на чевлите може да се оштети по само неколку носења, а и не заборавајте дека е речиси невозможно да го исчистите.

Слично е и со чевлите од велур.

Штикли со црвен ѓон

Легендарните штикли со црвен ѓон на Louboutin се едни од најпосакуваните и денес лесно можете да најдете и поевтини копии, но не се погодни за секој ден.

Поради светлата боја на ѓонот ќе се познаваат и најмалите нечистотии и гребаници.

Спирова С. | Црнобело