Природен коректор за темните кругови околу очите

Дали знаевте дека компирот може да ви помогне да се изборите со темните кругови околу очите, кои никако не можете да ги покриете? Еве како...

Компирот содржи ензим каталаза кој во козметичката индустрија се користи за осветлување на кожата.

Сè што треба да направите е да го измиксирате компирот и да го нанесете на чиста и сува газа. Ставете го на кожата околу очите и оставете го да делува 15 до 20 минути.

Внимавајте сокот од компирот да не ви влезе директно во очите, бидејќи постои голема шанса да ве пече, боли, па дури и ќе го зацрвените местото. Затоа, овој третман најдобро е да го правите додека сте исправени, а не легнати.

По 15 до 20 минути избришете го компирот со влажна крпа и нанесете крема како и обично.

По неколку месеци ваков третман ќе забележите навистина огромна разлика. Зошто да не си помогнете на природен начин и да ги исфрлите коректорите од несесерот за убавина?