Како Кајли Џенер го стекнува богатството и стана најмладата светска милијардерка?
Forbes ја објави листата на најбогати жени во Америка кои сами го стекнале богатството, а многумина се изненадија кога ја видоа Кајли Џенер на листата.
20 годишната ѕвезда од Кардашијан-Џенер кланот „тежи“ 900 милиони долари и се очекува наскоро да стигне до 1 милијарда, а растот на богатството ја прави најмладата милијардерка во светот, титула која некогаш ја носеле Марк Закерберг и Бил Гејтс.
Иако е најмлада од сите сестри, таа се најде на насловна страна на Forbes и успеа да ја надмине дури и Ким, чие богатство е проценето на 350 милиони долари.
На многумина не им е јасно како таа го стекнала сама богатството, па во продолжение погледнете на кој начин таа ги заработува парите:
Нејзината компанија за козметика, Kylie Cosmetics, за 2 години продала шминка вредна 630 милиони долари.
Таа поседува 100% од компанијата, а најголем дел од работата и рекламирањето се случува на социјалните мрежи, каде има лесен пристап до фановите и купувачите.
Направи милиони со учеството во семејното ријалити шоу „Keeping Up With The Kardashians“.
Во октомври, 2017-та, Кардашијан-Џенер добиле 150 милиони долари за да го продолжат договорот, но не се знае како се поделени парите. Плус, во 2017-та таа стана дел и од шоуто посветено за неа, „Life of Kylie“.
Има многу профитабилни договори со компании како Puma и многу други кои ги рекламира на социјалните мрежи.
На нејзиниот Инстаграм профил често може да се најдат спонзорирани објави со кои ги поддржува производите на брендовите кои ѝ плаќаат за реклама.
Кајли има и линија за облека и аксесоари заедно со нејзината сестра Кендал Џенер.
Кајли имала само 15 години кога ја лансирале линијата, а производите „Kendall + Kylie“ може да се најдат во многу продавници низ светот како и онлајн.
Нејзината официјална апликација направила 105.170 долари првиот ден откако била пуштена и се искачила на листите.
Иако не објавува многу на апликацијата, таа имала голема заработка уште првиот ден откако била пуштена, со што ги надминала апликациите на нејзините сестри.
М. М. | Црнобело
Би можело да ве интересира:
Препорачуваме
Најчитани неделава
