Спортуваат и на ладно, редовно одат во сауна - навики на Скандинавците кои им помагаат да бидат среќни и здрави

Сауната е најдобриот третман за убавина

Скандинавците редовно посетуваат сауна, а тоа има големи придобивки. Многумина веруваат дека поради ова кожата на Скандинавците секогаш изгледа беспрекорно.

Не користат многу продукти за убавина

Скандинавците се грижат за својот изглед, но не употребуваат премногу продукти за убавина. Бидејќи тамошните ниски температури и ветриштата имаат лошо влијание врз кожата, за нив најважна е хидратацијата.

Воглавно, овде ретко ќе најдете жена која користи повеќе од 3-4 продукти за убавина.

Скандинавската исхрана е одлична за линијата

Многу Скандинавци преферираат да си готват дома, па со тоа можат да контролираат што внесуваат во организмот.

Нивната исхрана се состои од многу зеленчук, бобинки, риба и пилешко, а многу ретко консумираат црвено месо.

Благодарение на начинот на исхрана, во комбинација со честата физичка активност, Скандинавците лесно ја контролираат телесната тежина.

Пиењето кафе е ритуал

Многу луѓе пијат кафе, но ако сте како повеќето, веројатно и вие го пиете набрзина пред да одите на работа или додека ви трае паузата. Но, за Скандинавците пиењето кафе е цел ритуал.

Љубителите на кафе одвојуваат подолго време за пиење кафе и го користат овој период за вистински да се релаксираат.

Спирова С. | Црнобело