„Одлична фризура. Многу поубава од претходната“ - какви комплименти не треба да давате?

Сите сакаме искрени комплименти на сметка на нашиот изглед или достигнувања, а истите секогаш се добредојдени. Колку и да сме сигурни дека даваме сé од себе, понекогаш ни треба поттик однадвор. 

Најмногу сакаме кога ни кажуваат дека изгледаме младо, исполнето или дека имаме стил. Сепак, не е секој во можност да прифати комплимент или да го изрази на вистински начин кога го дава.

Веројатно сте се нашле во ситуација кога некој ве пофалил или ви се восхитувал, но истото звучело неискрено или премногу познато.

Можеби сте се запрашале дали станува збор за несмасна личност која има најдобри намери или ласкава личност која сака да им угодува на другите.

Дознајте какви видови комплименти треба да избегнувате:

Чести комплименти

Иако е убаво да се биде во можност да фалиме некого, постои мерка што треба да се има. Ако често ѝ давате комплименти на истата личност или пред истите луѓе, другите можеби ќе мислат дека ги земате здраво за готово.

Познато е дека ги цениме работите што се ретки, затоа не претерувајте.

Претерани комплименти

Веројатно ви се случило да дадете комплимент за тоа колку добро изгледа личноста во некоја облека, а се работи за секојдневни парчиња. Затоа, прилагодете ги зборовите зо пригодата и бидете искрени.  

Во спротивно, другата страна може да мисли дека имате скриени мотиви.

Добро познати комплименти

Ако штотуку сте запознале некого, задржете се на општите комплименти. Восхитување на физичкиот изглед, како што се нечија боја на очи или изглед на тело, не се соодветни на ситуацијата, а можат да предизвикаат контра-ефект.

Од друга страна, со пофалби за стил или достигнување, нема да згрешите.

Комплименти со лоши намери

Дали некогаш ви се случило да добиете комплимент после кој не се чувствувате добро? Еден пример би бил: „Одлична фризура. Многу поубава од претходната.“

После ваквите зборови луѓето ќе помислат дека не изгледале убаво пред новата фризура. Затоа треба да се избегнуваат нејасни коментари.

Ашера | Црнобело