9 работи кои ќе ви помогнат да „преживеете“ по пијаната вечер

Главоболка, мачнини, омалаксаност, дехидрираност.. Симптоми кои укажуваат дека веројатно „малку“ сте претерале со алкохолот минатата вечер.

Чувство кое за љубителите на алкохолот е повеќе од познато.

За жал, сѐ уште не постојат сигурни докази кои сугерираат дека одредена конвенционална или комплементарна интервенција е ефикасна за спречување или лекување на мамурлакот од алкохол.

Една британска студија вели дека мамурлакот доаѓа ако мешате повеќе видови на алкохол или пак ако испиете повеќе од пет пијалаци (зависи од личност до личност).

Кога би можеле да го вратите времето, можеби би биле поумерени, но бидејќи таквото нешто е невозможно, каењето и нервирањето се залудни.  

Затоа, во продолжение ви предложуваме 9 работи кои ќе помогнат во намалувањето на мамурлaкот по пијаната вечер:

1. Наспијте се добро.

Мамурлaкот, во превод е данокот којшто го плаќаме по цената за добра забава. Првенственото нешто коешто треба да го направите е добро да се наспиете.

Спиењето е витална, честопати запоставена компонента на целокупното здравје и благосостојба на секоја личност, а во овие моменти и повеќе од потребна.

Квалитетниот сон по „бурната“ вечер навистина може да помогне.

2. Пијте многу вода.

По неколкуте чашки вино или коктел минатата вечер веројатно се чувствувате дехидрирано, што е главниот виновник за вашата исцеденост и главоболките кои не ви даваат мир.

Вода, навистина многу вода е правиот избор.

3. Засилете ја рехидратацијата со електролити.

Електролитите, вклучувајќи натриум и калиум му помагаат на вашето тело да ја задржи водата којашто му е потребна.

4. Јадете јајца за појадок.

Бидејќи алкохолот е богат со шеќер, всушност шеќерот во вашата крв може да се спушти на многу ниско ниво. Значи, важна е храната која ја внесувате.

Јајцата имаат дополнителен бонус и содржат цистеин, аминокиселина која се спротивставува на токсичниот нуспроизвод на алкохолот.

Сепак, тоа е премногу? Започнете со нешто лесно како крекери, ориз или супа.

5. Пијте чај од ѓумбир.

Покрај тоа што ќе го смири вашето гадење, исто така чајот од ѓумбир може да ја намали вашата вртоглавица. И повторно внесувате многу вода.

6. Додадете мед во него.

Фруктозата (анегдотски и во некои истражувања) е корисна за да се забрза метаболизмот и побрзо да се „ослободите“ од алкохолот во организмот и мачнините.

Медот ви дава добар фруктозен тресок, а исто така и овошјето.

7. Одете на прошетка на свеж воздух.

Тврдењата дека кислородот ги олеснува симптомите на мамурлакот во повеќе случаи се покажале како вистинити.

Откако добро ќе се одморите, излезете на свеж воздух и успорете го вашето дишење.

Зголемениот кислород помага на црниот дроб полесно да ги филтрира отровите од алкохолот во крвта.

8. Џогирајте, трчајте или пешачете.

Во зависност од состојбата во која се наоѓате, односно степенот на вашиот мамурлук одберете една од трите зададени опции.

Вежбањето произведува ендорфини (засилувачи на расположението) што ќе ви помогнат да се чувствувате подобро за навистина брзо време.

9. Јадете месо, грав и леќа.

Откако сте појадувале и полека почнувате да се враќате во нормала, особено важен е квалитетниот ручек.

Месото, гравот и леќата се вистинските извори на разни енергични витамини, вклучувајќи го витамин Б, кој е навистина неопходен по мамурна вечер.

И за крај, не заборавајте да ги изговорите оние пет магични зборови: „Од утре веќе не пијам“.

Мила М. | Црнобело