Најдобрите оптички илузии за 2019-та година

Веќе 15 години непрофитната организација Neural Correlate Society и Museum of the Mind ги охрабруваат научниците и уметниците ширум светот да се пријават на натпреварот Најдобра илузија на годината.

Секој учесник треба да испрати видео со неговата илузија, а ова е одлична можност да ги видиме талентите и креативноста на луѓето од сите краеви на светот.

Во финалето беа избрани 10 најдобри илузии, од кои победникот доби парична награда од 3.000 долари.

Годинава првото место му припадна на Френк Форс. Неговата илузија Dual Axis Illusion е форма којашто се врти, а гледачот треба да одреди дали ротира околу вертикалната или хоризонталната оска.

Секое од видеата има и објаснување за илузијата, а во продолжение можете да ги погледнете 10-те финалисти:

Dual Axis Illusion, Френк Форс

Ова е најдобрата илузија за оваа година. Во видеото има неколку визуелни знаци што можат да ви помогнат да одредите околу која оска се врти формата.

Change the Color, Харуаки Фукуда

Дали гледате зелени и црвени точки кои се движат од горе кон долу, или жолти точки кои се движат од лево кон десно?

Во зависност од тоа кое движење го перципирате, бојата што ја гледате се менува.

The Rotating Circles Illusion, Рајан Е.Б. Мурцек и Гидеон Пол Капловиц

Во оваа илузија, кругот во средината постојано се движи на ист начин. Но кога ќе се додадат другите кругови, движењето на средниот изгледа изместено.

Bodiject Fingers, Кенри Кодака

Можете ли да ги „гледате“ вашите прсти како предмети? Оваа илузија го овозможува токму тоа. Илузијата се изведува со помош на огледало и предизвикува чудно чувство – ве тера да мислите дека вашите прсти се трансформирани во некој предмет.

Facing-Right Illusion, Кокичи Сугихара

Предметот во илузијата наликува на птица свртена кон десно. Дури и да ја свртите птицата за 180 степени, таа повторно ќе биде свртена кон десно.

Предметот е направен од цврст материјал, но изгледа како постојано да ја менува формата додека ротира.

Продолжува на следната страница...