За што најмногу ќе се зборува во декември?

Започна пред-празничната еуфорија, уште недостасува снегот за да ја исполни зимската идила. Годината полека се ближи кон својот крај, на лично и на глобално ниво. Сепак, има уште многу време за изненадувања и позитивни промени.

Декември може да биде увертира за добар почеток на следната година, а се чини дека некои теми во шоубизнисот се во фокусот на интересот деновиве.

Доколку ве интересира за кои работи најмногу ќе се зборува во наредните денови, прочитајте го текстот:

Тејлор Свифт

Оваа пејачка не престанува да го привлекува вниманието на јавноста, но се чини дека влегуваме во период кога многу ќе се зборува за неа.

По забележителниот настап на Американските музички награди, околу кои се крена прашина, Тејлор ја чека номинацијата за наградата Woman of the decade, како и хит премиерата на нејзиниот нов  филм „Cats“ и доделувањето на Греми наградите.

Празничен блуз

Никој не е имун на празничното расположение, кое може да биде полно со радост, но и вознемиреност и чувство на тага.

Додека живееме во ера на Инстаграм, се очекува декември да биде месец на споделување исповеди и поддршка за оние што тагуваат поради Божиќ и Нова година.

Познати личности во пижами

Кристен Бел го започна трендот на пижами, откако објави фотографија од нејзиниот реален брачен живот. Потоа, Карди Би во пижама одговараше на прашања за Вог.

Бидејќи декември е месец на зимски одмори, скијање, дремка и „хиге“ моменти, јасно е дека социјалните мрежи ќе бидат преплавени со ѕвезди во пижами.

Филм „Little Women“

Оскарите се приближуваат, а еден од филмовите што ќе се бори за оваа престижна филмска награда ќе биде филмот „Little Women“. Премиерата се очекува на 25 декември, а режијата ја потпишува актерката Грета Гервиг.

Покрај овој филм, очекуваме да го видиме и филмот „Ема“, заснован на романот на Џејн Остин, додека за „Војната на Ѕвездите“ не треба ни да дадеме објаснување зошто ќе биде тема овој месец.

Секако ќе се зборува многу за филмови во декември.

Ашера | Црнобело