Кој е најбогатиот фиктивен лик и колку изнесува неговото богатство?

Сите зборуваме за најбогатите луѓе на светот. Де ќе ги спомнеме Бил Гејтс и Ворен Бафет, де ќе начнеме муабет за Џеф Безос, Марк Закерберг… Но, многу ретко ќе се запрашаме кој е најбогатиот фиктивен лик? И уште поважно, колку „тежи“ неговото богатство?

На врвот на списокот се наоѓа Скруџ МекДак, измислен лик од страна на Карл Баркс во 1947 година, првично создаден за компанијата „Волт Дизни“.

Скруџ е постара Шкотска антропоморфна Пекиншка патка со нозе и стапала. Неговиот лик е лесно препознатлив, секогаш носи црвено или сино палто, цилиндар на глава и очила.

Неговото богатство изнесува 65.4 милијарди американски долари во вид на златни парички.

Самиот лик, кој во цртаните филмови зборува со шкотски акцент ужива да нурка во океанот од неговото животно богатство.

Скруџ е богат деловен магнат и самопрогласен „авантуристички-капиталист“, чија доминантна карактеристика е неговиот личен напредок и снаодливост.

Тој всушност е чичко на Дела и Доналд Дак. Во неговиот измислен свет се смета за најбогата личност, а истата титула ја добива и во нашиот. Истовремено е и нафтен тајкун, сопственик на рудници и многу бизниси со различни активности.

Но, пред сè неговата самотничка авантура низ четирите страни на светот се мошне инспиративни и мудри. Затоа Скруџ е истовремено истражувач и голем авантурист.

Секоја парчика од неговото богатство му е драга, зашто истата го потсетува на спомените кои ги има доживеано, а не сака никогаш да ги заборави. 

Овој лик е познат од анимираната серија DuckTales (1987–1990).

По смртта на Карл Баркс, неговото постоење во вид на стрип го продолжи Дон Роса, а еден од најпознатите фински музичари Томас Холопаинен, основач на групата Nightwish во 2014 година издаде музички албум, насловен Music Inspired by the Life and Times of Scrooge.

Автор: Х. Е. | Црнобело