Каква моќ се крие во мантрата?

Сè почесто луѓето почнуваат да мантраат. Оние кои го сфатиле значењето на мантрата, редовно ја практикуваат и полесно можат да ја зголемат духовната чистота.

Едноставно кажано, мантрата е свето пеење и претставува одреден аспект од Бог. Може да се најде во форма на слог, збор, или неколку збора, па и цели реченици. И на тој начин се стекнува Божја милост, што на сите ни е потребна.

Едниот дел од мантрата се однесува на умот и размислувањето, а другиот дел ја пресликува нашата витална енергија и заштита.

Првиот чекор за кое е заслужно мантрањето е да се исчисти нечистотијата од умот, и тоа може да се спроведе на едноставен начин со повторување на „Ом“ или „Бог“ неколку минути.

Иако звучи едноставно, во пракса мантрата бара многу посветеност за да се достигнат посакуваните ефекти, поточно да се оствари единството со целиот Универзум. Сепак, за да се достигне ова ниво потребно е години и години посветеност и понирање во духовниот свет. Но, како за почеток, придобивките од мантрањето се големи.

Тоа помага да се оствари духовен напредок, отстранување на непријателите и негативностите со кои се соочување, а може да се прочисти и говорот.

Во секој случај, постојат многу правила и прописи за пеење на мантра, така што кога ќе се решите да се посветите на овој сегмент од себе, добро информирајте се , пред да се препуштите на чистотата што се крие во вас.

Автор: E. Х. | Црнобело