Како да ги надминете личните предрасуди?

Не е секогаш лошо да имаме предрасуди, но само кога станува збор за опстанок. Иако оваа стратегија е ефикасна во одредувањето на опасност или ризик, истата е комплицирана кога станува збор за други видови на интеракции. 

Свесно или несвесно, предрасудите што ги имаме за другите луѓе влијаат врз начинот на кој гледаме и комуницираме со светот.

Постојат два начини на кои можеме да ги надминеме предрасудите: да развиваме свест за предрасудите и активно да се обидуваме да го прошириме својот поглед на светот.

Научете како да ги надминете личните предрасуди:

Идентификувајте ја предрасудата кога ќе се појави

Предрасуда во основа значи пресуда однапред. Погледнете во вашиот живот и вашата секојдневна комуникација. Размислете за убедувањата и мислењата што ги создадовте за другите. Што е она што ги зајакнува овие предрасуди?

Истражувачите веруваат дека децата веќе во третата година почнуваат да ја развиваат својата приврзаност кон културните и расните групи на кои им припаѓаат, односно нивните групи, а несвесно имаат негативно мислење за сите други групи (кои не се нивни).

Некои од овие предрасуди се учат дома или во културната група. Другите се истакнуваат преку медиумите. Прифатете го фактот дека предрасудите се научени и дека можете да се лишите од нив преку различни образовни програми и семинари.

Променете ги вашите лични предрасуди

Применување на значајни промени, како што е трансформирање на нашите лични предрасуди, бара голема посветеност. Ќе мора навистина да сакате да ги смените тие убедувања со максимални напори и покрај тешкотиите или губењето на мотивацијата.

Обрнете внимание на она што си го кажувате

Ова важи за изјавите што ги изговарате во текот на денот. За да станете свесни за предрасудите што ги имате, треба да обрнете внимание на она што го зборувате. Слушајте ги своите мисли додека комуницирате со луѓето од други културни или расни групи.

За што размислувате? Какви докази имате дека вашиот суд е исправен?

Патувајте

Ако вашето гледиште за светот е сведено на една култура, можеби ќе ви биде тешко да гледате надвор од неа. Токму затоа патувањето е клучно во процесот на надминување на личните предрасуди.

Патувањето може да ви помогне да го промените вашиот поглед на светот, да дознаете нешто повеќе за различни групи на луѓе, за нивната култура и за нивните ставови.

Дружете се со луѓе од различни групи

Следен пат кога ќе имате можност да започнете разговор со некој кој не е дел од вашата група, направете го тоа. Оставете ги вашите убедувања зад себе и дозволете ѝ на таа личност да ви покаже каква е навистина.

Реагирајте на туѓите предрасуди

Кога некој познаник, пријател или член на семејството ќе создаде предрасуда за некој поединец, поради која било причина, (раса, етничка група, пол, сексуална ориентација, образование), спротивставете им се.

Бидете подготвени да научите работи за себе кои можеби нема да ви се допаѓаат. Сознанието дека можеби не сме толку либерални, колку што мислиме, може да биде прилично непријатно искуство, но вредно.

Ашера | Црнобело