Синестезија - светот во кој можете да ја видите музиката и да ги вкусите зборовите

Замислете како би изгледал светот кога секој звук би имал своја боја, секој збор свој вкус? Ова може да го објасни синестезија, невролошки феномен со кој истовремено можат да се користат две или повеќе сетила. 

Додека повеќето од нас гледаат слики, слушаат музика или чувствуваат допир, синестетите можат да го видат звукот и да го почувствуваат вкусот на зборовите. Во повеќето случаи тие не знаат колку се посебни, бидејќи нивната реалност е единствената реалност што ја знаат.

Голем број на експерти тврдат дека сите сме родени со синестезија, но истата се губи до третиот месец. Меѓутоа, кај некои луѓе синестезијата останува засекогаш. Еден од најчестите видови на синестезија е кога лицето гледа букви и броеви во боја, а најреткиот тип е кога луѓето ги поврзуваат зборовите со вкусот.

Постојат повеќе видови на синестезија. Еден вид на синестезија е кога некој набљудувач може на својата кожа да ги почувствува допирите и болката, кои ги доживува некоја друга личност.

Многумина ќе речат дека се работи за сочувство, но иако постои сличност меѓу синестезијата и емпатијата, кај синестезите чувствата се поврзани исклучиво со сетилото на видот. Синестезот не може да го чувствува она што не може да го види.

Еден од поинтересните видови на синестезија е персонификација на броеви, букви или денови. Така, на пример, секој ден во неделата има одреден тип на личност. Бројот шест може да биде млада срамежлива девојка, а вторник намуртен, постар господин.

Синестетите се претежно многу креативни луѓе. Постојат многу уметници што се синестези.

Ед Ширан ја гледа својата музика како портокалова боја, Клод Моне, познатиот импресионист, ги создавал своите дела со помош на синестезија, Франц Лист, честопати му кажувал на својот оркестар да користи повеќе сина боја, не толку розева.

Џими Хендрикс зборувал за музика, акорди и бои. Неговиот омилен акорд бил Е7#9, кој за него имал пурпурна боја.

Уште еден познат музичар го доживува светот на овој неверојатен начин, Стиви Вондер. И покрај тоа што е речиси слеп цел живот, тој вели дека музиката му дава бои, дека со свирењето може да ги визуализира боите на своите ноти.

Додека славниот Ван Гог присуствувал на часови по пијано, неговиот професор забележал дека ги поврзува нотите со одредени бои. Во тоа време не се знаело за овој феномен, па младиот Ван Гог бил принуден да ги напушти часовите.

Во неговите слики можеме да ја видиме динамиката на боите. Неговите наизменични потези со четка и експресивни бои, кои често биле толкувани како симптоми на разни невролошки нарушувања, можат да бидат резултат на премногу голема синестезија.

Ашера | Црнобело