3 фази во развојот на самодовербата низ кои сите минуваме

Самодовербата се развива и менува во текот на животот. Овие промени се квалитативни и се резултат на животното искуство, односите со другите луѓе и промените во личноста која се развива и созрева. Секоја личност се менува со годините, со менување на своите перцепции, ставови, вредности и приоритети во животот. Како тоа се одразува на нашата самодоверба?

Секоја личност поминува низ три фази на самодоверба, младешка фаза, фаза на младешко-возрасна возраст и фаза на зрела возраст.

Младешка фаза

Младата личност е полна со идеалистички перцепции за себе, за другите и за светот. Таа е склона кон нереални очекувања, а понекогаш се стреми кон перфекционизам, што е резултат на недоволно животно искуство.

Ова е сосема нормално и соодветно однесување кое го има секој млад човек. Младите луѓе сакаат признанија, докажувања и прифаќање. Често се споредуваат со внатрешните идеали и цели, кои честопати се неостварливи и нереални.

Поради овој совршен идеал, секоја манифестација во реалниот живот изгледа незадоволителна и помалку вредна. Затоа младите луѓе често се чувствуваат несигурно.

Фаза на младешко-возрасна возраст

Кога ќе го оставиме идеалистичкото младешко размислување, базирано на имагинација, ќе влеземе во реалниот живот и социјалните односи. Преку социјалните интеракции луѓето ги оценуваат другите личности, се споредуваат со нив во смисла на достигнувања, таленти, интелигенција, убавина итн.

Самодовербата во оваа фаза не се базира на споредбата со другите. Човек со текот на времето ја зазема својата позиција во општеството и стекнува одреден степен на самодоверба со препознавање на неговите квалитети, прифаќање на неговите недостатоци и откажување од нерационалните цели.

Фаза на зрела возраст

Во оваа фаза човекот престанува да се споредува со другите луѓе и повеќе не ја проценува неговата вредност во контекст на достигнувањата во општеството.

Она што е постигнато повеќе не е од примарна важност. Човек ја разбира мудроста на животот. Сфаќа дека сите споредби се непотребни и дека љубовта која ја добива од семејството и блискиот круг на пријатели е доволна и незаменлива.

Човекот се свртува кон внатрешниот свет, не се обидува да ги смени другите, оставајќи ги да бидат што сакаат. Стремежот кон достигнувањето се заменува со потрагата по креативноста и создавањето.

Луѓето поминуваат низ овие фази постепено, добивајќи ги искуствата од животот. Фазите не треба да се прескокнуваат, бидејќи секој треба да ги помине овие искуства. Учењето во животот се темели на личното искуство, затоа секој човек треба да биде стрплив и да го научи темпото кое му одговара.

Ашера | Црнобело