Што значат петте најчести гестови кои Доналд Трамп ги прави со рацете?

Експертот за говор на тело, Роберт Фипс, неколку месеци го има анализирано Доналд Трамп и какви гестови прави со рацете додека држи говори, па врз база на тоа има „дешифрирано“ што значи секој од нив.

Зошто при јавните говори некогаш ги крева двете дланки, а некогаш покажува со прст?

Толкувањата се следниве:

1. Круг од палецот и показалецот

Трамп го користи овој гест за да ја покаже точноста и цврстината на фактите кои ги изнесува во моментот.

2. „Пиштолот“ вперен нагоре

Трамп го крева показалецот нагоре, кога се обидува да поентира со некој збор или исказ, односно да ја нагласи важноста на она што го кажува.

3. Двете раце нагоре

Во овој случај Трамп сака да каже „потчинет сум, немам оружје на располагање.“

4. Вперен прст

Иако вперувањето на прстот во некого или нешто се смета за некултурно, Трамп го користи кога сака да се поврзе со некоја индивидуа или со публиката пред која зборува. Исто така, може да му значи и благодарност.

5. Мафтање со раката

Овој гест на Трамп е знак дека стои цврсто на земја. Често го користи кога одговара на прашања во дебати и на овој начин покажува дека неговите мисли соодветствуваат на она што го кажува.

М. Д. | Црнобело