Научно објаснување зошто сакаме топли и тешки ќебиња

Кога надвор е ладно, а ние сакаме да избегаме од реалноста, често заштитата ја наоѓаме под дебелото, тешко и топло ќебе.

Овие ќебиња, не само што нè топлат кога спиеме, туку создаваат и чувство на заштита, особено кај луѓето кои имаат стресни денови и страдаат од анксиозност.

Најинтересниот дел е што дебелината и тежината на ќебето не им пречат на оние кои ги користат, напротив, кога ќе се покријат, добиваат чувство на заштита и топлина. На тој начин добиваат таканаречена топла прегратка, умот се релаксира, а телото и органите работат во рамнотежа. Тоа помага да се намалат стресот и анксиозноста.

Дури и оваа импровизирана прегратка помага телото да ослободува окситоцин, кој ја регулира работата на срцето. Исто така, ваквите ќебиња го одржуваат телото смирено и затоплено. А што е најважно, не постојат несакани ефекти од користењето на овие ќебиња.

Е. Д. | Црнобело