Исповеди во една реченица: Кој е мојот најбизарен страв?

Доколку имате некаква фобија, тогаш сигурно добро знаете колку тоа умее да биде непријатно искуство. Ве обзема паника и од сосема обична локација, ситуација, или, пак, појава. Можеби за другите – ама не и за мене – би рекле мнозинството поединци со ирационални стравови.

Срцето почнува забрзано да ви чука, дланките ви се потат и го губите здивот, дури и при самата помисла – на бубачки, лилјаци, змии, пад на авион...

Се чувствувате глупаво, бидејќи разумот ви говори дека не сте реално во опасност, но сепак телото реагира како да е загрозено.

Според Националниот институт за ментално здравје, дефиницијата за фобија гласи: „интензивен ирационален страв од феномен кој не претставува вистинска закана; симптомите на анксиозност се јавуваат дури и од самата помисла на истиот.“

Запрашани да ги опишат своите најбизарни стравови во една реченица, испитаници од двата пола, како и од различни возрасни групи, ги дадоа своите искрени одговори за медиумската платформа VICE.

Од комични до трагични, прочитајте ги исповедите на повеќе луѓе на оваа тема:

„Се плашам да не ми излезат змии од тоалетната школка.“

„Мене ме плашат маскоти, ама буквално сите до една.“

„Страв ми е да не ми скокне некоја жаба, колку и да е мала.“

„Се плашам од памук, па мака ми е и од самиот збор.“

„Страшни ми се сите големи споменици.“

„Ме ужаснува помислата да останам без тоалетна хартија.“

„Се плашам од искажување љубов во работно опкружување.“

„Се грижам да не случајно масерот ми ги скрши ножните прсти.“

„Да не проголтам пајак во сон.“

„Дека ќе си го исечам прстот на раб од конзерва.“

„Имам фобија од риби – одвратни се, лигави и со крлушки.“

„Кога ќе пукне балон некаде во близина.“

„Се плашам дека јато гулаби ќе ми ги исколваат очите.“

„Страв ми е да не возам во погрешен правец по автопатот.“

„Да не ме избоде некој под туш, како во филмот „Психо“.“

„Да не ми се вовлечат змии во креветот додека спијам.“

„Се плашам од ајкули, дури и во базен.

„Кога и да ме бара мајка ми на телефон, страв ме фаќа да не ми јавува дека некој умрел.“

„Страв ми е да не ми падне нечиј клима уред врз главата.“

„Разговор со непознати – попрво би умрела.“

„Дека ќе ме изгребе мачка додека спијам.“

„Да не ми се забие некој со кола во ѕидот од спалната соба.“

„Не можам да поднесам било што да ми го допира окото."

„Ме ужаснува помислата да останам без интернет.“

„Да не си го одгризам случајно прстот.“ 

„Дека мостот ќе се сруши додека се возам преку него.“

„Стравувам од скриени камери во изнајмен простор.“

„Имам страв дека ќе останам со само едно влакно на главата – како Чарли Браун.“

Се препознавте ли во нечија реченица? Што е вашиот најбизарен страв?

М. А. | Црнобело