Уникатно искуство: Во Лондон отворен коктел-бар инспириран од затворот Алкатраз

Замислете бар во кој на влезот ви даваат портокалова затворска униформа и каде треба да си донесете свој пијалак во кој ќе уживате сместени во затворска ќелија.

Звучи малку чудно, но секако претставува навистина уникатно искуство. Ваков бар инспириран од затворот Алкатраз се отвори во Лондон, и тоа под името Alcotraz.

Во барот има место за 30 „затвореници“, нема мени бидејќи гостите си носат алкохол за коктел-мајсторите, а коктелите се послужуваат во метални затворски чаши.

Овој коктел-бар е проект на компанијата Inventive Productions и ќе биде отворен само три месеци. Од таму велат дека заинтересираноста е голема, а реакциите на посетителите се позитивни.

Барот Alcotraz е отворен од четврток до сабота, од 17 до 23 часот. Влезницата чини 30 фунти (околу 33 евра) и вклучува двочасовен престој и 4 коктели.

• 
• 
• 
• 
• 
• 
• 
• 
• 
•  

М. В. | Црнобело