Лево или десно: Која е вистинската Селена Гомез?

Верувале или не, една од нив не е популарната пејачка, туку нејзината двојничка на социјалната мрежа Инстаграм. Пронајдете ја разликата, ако можете?!

Селена Гомез одлично испаднала и на двете фотки, зар не? Само што на левата фотографија не се наоѓа таа, туку нејзината „близначка“, која ги воодушеви фановите на пејачката и странските портали.

Доколку помисливте дека личноста на фотографијата е Селена, не сте единствени. Бројни корисници на Инстаграм го имаат истото мислење, но сепак, станува збор за двојничката на пејачката - Софија Соларес, која неодоливо потсетува на 25-годишната музичка ѕвезда.

Прекрасната Софија има 23 години и живее во Мексико. Благодарение на големата сличност со поп-пејачката, таа стана вистинска ѕвезда на Инстаграм, каде ја следат преку 200 илјади луѓе.

Се разбира, нејзе ѝ ласкаат споредбите со Селена, што го потврди и во интервјуто за магазинот E!.

„Ја сакам Селена Гомез и признавам дека сум нејзина обожавателка. Би било прекрасно кога би дознала дека постојам и издвоила неколку секунди за да ми испрати порака. Би плачела од среќа.“, призна Софија.

Сепак, иако физички премногу наликува на пејачката, Софија истакна дека не се труди и карактерно да биде слична на неа, туку сака да ја задржи својата индивидуалност и приватност.

Но, за сѐ да биде уште поинтересно, и оваа „Селена“ има свој „Џастин“.

А, како ви изгледа вам?

М. А. | Црнобело