Популарни играчки кои може да им наштетат на малите деца

Преку играта, децата се развиваат подобро и учат нови работи за светот околу нив. Но, зависи за каква игра се работи.

Постојат играчки кои може повеќе да им наштетат, отколку да им помогнат, ако се работи за мали деца.

Овие играчки треба да ги избегнувате ако имате мало дете:

Играчки со пропелер

Хеликоптерите и другите играчки со пропелер се дизајнирани за деца над 10 години и тинејџери. Помалите деца немаат доволно вештини за да се справат со ваквите предмети и можат лесно да се повредат при вртењето на пропелерот.

Совет: Ако веќе мора, одберете играчки со пропелер од мека пластика, а краевите гледајте да не бидат остри.

Сет за играње „доктор“

Децата сакаат да ги испробаат сите инструменти од „медицинскиот прибор“, а малите предмети може лесно да им се заглават во нос или да ги голтнат.

Совет: Барајте сетови кои не содржат мали делчиња, игли, ножици и слично.

Мускули и гума за пливање

Ова не можеме да го наречеме играчка, но сепак е нешто што многу деца го користат во лето. Тие не обезбедуваат целосна заштита на децата во вода, бидејќи може лесно да се превртат или лизнат од нив. Исто така, некои од овие производи се неквалитетно изработени со супстанци кои може да предизвикаат иритација на кожата и други проблеми.

Совет: Ако мислите дека треба да ги користите, гледајте гумата и мускулите да бидат според стандардите за големината на детето – тежина, висина. Не ги оставајте да стојат на нив повеќе од половина час.

Пиштоли на вода

Децата многу често не се придржуваат кон правилата кои кажуваат од колкава одалеченост може да се прскаат. Но, како резултат на тоа, голем млаз на вода или пена во водата, може да предизвика повреди на лицето, посебно на окото.

Совет: Купувајте играчки со дополнителна заштита.

Балони

Додека децата си играат со балони, тие може да пукнат и да ги исплаши децата со гласниот звук. Освен тоа, може лесно да голтне некои делчиња од пукнатиот балон, а тоа предизвикува гушење.

совет: Не давајте деца под 8 години да си играат со балони.

Фиџет спинер

При вртењето на спинерот, некои делови можат да се одвојат и да предизвикаат повреди на малите деца, бидејќи тие се понежни. Освен тоа, може и да голтнат некои делови од производот.

 

М. М. | Црнобело