Музиката влијае на вкусот, вино од тигрова коска: Чудни факти за виното

Бенџамин Френклин еднаш славно изјавил дека виното е „постојан доказ дека Бог нè сака и сака да не види среќни“.

Без сомнение, виното е еден од најомилените пијалаци на сите времиња, а се користи во христијанските обреди, паганските прослави, ресторани...

Ова се најчудните приказни за виното:

Заблагодарете им се на осите за виното

Никој не ги сака осите. Но, дали знаевте дека во текот на летото габата Saccharomyces cerevisiae расте на лозјето? Ова е основната состојка за производството на виното, пивото и лебот.

Оситего сакаат грозјето, а кога ова овошје зрее во текот на летото тие го јадат и со него ги хранат своите ларви.

На тој начин ги пренесуваат габите на нивните ларви. Кога ларвите стануваат зрели тие повторно ги враќаат габите на лозовите насади.

Музиката влијае на вкусот на виното

Како дел од експеримент, истражувачот Адријан Норт од Универзитетот Хериот Ват направил мал тест. Тој ја класифицирал музиката во повеќе категории: моќни и тешки, суптилни и рафинирани, освежувачки и интересни и весели.

Во втората фаза, тој барал од 250 испитаници да пијат вино додека ја слушаат претходно класифицираната музика. Ова истражување даде интересни резултати.

На пример, кога луѓето пиеле црвено вино додека ја слушале „Кармина Бурана“, 60% од испитаниците вкусот на виното го опишале како моќно и тешко. Значи, следниот пат кога ќе одите во ресторан, обратете внимание на позадинстата музика. Истата може да го промени вашиот вкус.

Вино од тигрова коска

Постојат многу видови на вино, од канадско вино направено од ферментирани домати до вино направено од коски на тигар. Се работи за кинески изум.

Иако ова вино е илегално од 1993-та година, сé уште е многу популарно. Наводно, овој пијалак може да излечи артритис и треска. Ова вино го пијат само богатите и важните личности, бидејќи со него го означуваат својот статус во општеството.

М. А. | Црнобело