Зошто се вљубуваме во измислени ликови?

Трагедијата поврзана со фиктивните ликови во кои секој некогаш во животот бил вљубен е тоа што тие всушност не постојат во реалниот живот. Што може да биде повеќе поразително од овој факт?

Но, што ако постои начин истите да се запознаат во реалниот живот?

Вљубување во фиктивните ликови е сосема нормална реакција. За некои луѓе се работи за прва љубов и првите романтични чувства кои ги развиваат. Без разлика дали сте машко или женско, веројатно сте ги имале своите први вљубувања во одредени ликови од книги, филмови или серии, пред да наполните десет години, а денес, најверојатно ги имате и премногу.

Ова не е лоша работа, секако. Понекогаш не можеме да си помогнеме да не бидеме импресионирани од неверојатните луѓе кои не постојат во реалниот живот.

Овие ликови можеби се надвор од нашиот дофат, но писателите и уметниците кои ги создале веројатно ги создале врз основа на одредени личности од нивниот живот или комбинација од неколку вистински луѓе.

Значи, колку и да звучи лудо оваа идеја, истата не е и невозможна.

Но, зошто се вљубуваме во измислени ликови?

Иако за многумина ова е само минлива фаза, постојат и луѓе кои целосно се вљубени во своите фиктивни херои.

Најосновната причина зошто се вљубуваме во измислените ликови е тоа што тие се отелотворување на нашиот идеален партнер.

Фиктивните ликови ги претставуваат нашите желби и потреби од вистинскиот живот. Ве привлекува надворешниот изглед, карактерот, парите, моќта, статусот... Било која од овие карактеристики кои ве привлекуваат ќе ви го дадат одговорот на тоа кои се вашите желби.

Тие се романтични и имаат способност да ги поттикнат вашите романтични граници. Било да се негативци или не, тие можат да ве однесат во магични, незамисливи места.

Но, како да ги пронајдете во реалниот живот?

Ако навистина сакате да ја пронајдете личноста која е запознаена со вашиот универзум, обидете се да ги пронајдете во локалните кафулиња, преку интернет или на концерти на вашите омилени артисти.

Сепак, додека не го пронајдете вистинскиот партнер во ред е да сонувате за романтичните фиктивни ликови. Понекогаш вашите измислени ликови можат да ви кажат повеќе за вашите романтични фантазии и желби.

Кој е вашиот омилен измислен лик и што мислите што тој претставува?

М. А. | Црнобело