Со фустан од тетратката по математика на матура: Тинејџерка се залага за образование на сите жени (фото)

Според последните истражувања во светот има околу 62 милиони девојчиња на кои им е забрането образованието само поради полот.

Малала Јусафзаи, девојчето од Пакистан кое се залагаше за женските права на образование успеа да преживее и покрај тоа што беше пукано во неа за време на говорот кој го одржуваше на истата тема, за што подоцна доби и Нобелова награда.

Поттикната од сето тоа, 18-годишната матурантка Ерин Пејсли од Канада решила да направи нешто во врска со таквиот активизам, за да го привлече вниманието на луѓето и медиумите и да потсети на тоа колку е важно образованието за сите деца, еднакво и за машките и за женските.

Поради тоа, парите за свечената тоалета ги донирала во фондацијата на Малала, а таа сама си креирала фустан од старата тетратка по математика, а на долниот дел со црвен маркер напишала порака: „Јас го добив своето образование. Не секоја жена има право на тоа. Malala.org“

Според неа и најмалото внимание е значајно за да се прошири пораката. На овој начин Ерин покажала свесност за вистинските проблеми на другите, за основните потреби и за креативноста на која може да се изрази активизмот и бунтот против неправдите.

• 
• 
• 
• 
• 
• 
• 
• 
• 
• 
•