Му дала тест за Бијонсе на момчето, за да останат во врска

Љубовта досега била тестирана на различни начини, но секоја нова генерација смислува сè полуди начини за да се увери во љубовта на партнерот.

Ако досега беше важно дали ќе ви се јави, дали ви е верен и дали ви го памти роденденот, сега се појавуваат нови начини на тестирање.

Една дваесет и едногодишна девојка, Алис Дејвис која е верен фан на Бијонсе, за да провери дали може да остане подолго во врска со своето момче, решила да му даде тест со прашања во врска со нејзиниот идол.

Олеснителната околност е што повеќето прашања биле на заокружување и штиклирање, но имало и прашања за да ги доврши стиховите од песна или да објасни некоја случка од нејзиниот приватен живот, како на пример, караницата меѓу нејзината сестра Соланж и Џеј Зи во лифтот.

За да помине на тестот момчето требало да освои минимум 60 %, но за среќа освоил дури 80 %.

Подоцна тестот со одговорите Алис го објавила на нејзиниот Твитер профил, а нејзинината идеја за тестирање на љубовта веќе се проши и низ медиумите.

Би му направиле ваков тест на партнерот?