Скулптури од смрзната крв

Автопортрети на Марк Квин од серијата Self не само што добија облик на својот автор, туку и се изработени од него самиот. Една негова глава...

 

... ќе се најде во лондонската галерија.

Автопортретот е изработен од смрзнатата крв на уметникот и е изложена во National Portrait Gallery во Лондон. Делата на Марк Квин наречени Self, галеријата ги купи за 300.000 фунти и тие ќе останат дел од нивните постави, како што се и делата на многу славни автори на класични портрети.

Оваа серија на глави е една од најшокантните и најтрајните дела од британското уметничко движење. Првата глава е изработена во 1991 година и е прикажана во рамките на изложбата на Royal Academy's Sensation.

Од тогаш, овој уметник секои 5 години прави нови скулптури и така ја бележи својата трансформација и стареење. Во сопственост на National Portrait Gallery е веќе 4тата глава од оваа серија, додека останатите се во приватно сопствеништво на колекционери.

"Сакав да создадам свој портрет кој ќе води во екстрем и така настана идејата за главите. Тие не можат да имаат форма на моделот, бидејќи веќе се изработени од самиот модел. Тие егзистираат под одредени услови, мораат да бидат смрзнати, што е аналогно со животот на самите себе", вели невообичаениот Квин.