Оставете добар впечаток!

Тешко е да се остави добар впечаток на првиот состанок со некоја личност. Често се случува и однапред да сте негативно расположени или поучени од...

 

...претходни лоши искуства, па воопшто и да не сакате да се трудите.

Но, тоа не мора да биде така. Еве неколку совети кои ќе ви помогнат да оставите добар впечаток при првиот разговор и со кои ќе си осигурате утрешен повик за следен состанок:

• Ако за прв пат се наоѓате во заеднички разговор, потрудете се да бидете отворени, но истовремено и таинствени.

• Не разговарајте за пари и кариера. Наместо да прашате “Каде работиш?“ обидете се со “Со што се занимаваш?“

• Потрудете се да не се изразувате негативно. Никој не сака песимисти кои го нарушуваат расположението. Разговарајте само за она што ви се допаѓа и што ви е убаво.

• Потрудете се да оставите впечаток на самоуверена личност. Немојте да ги покажете вашите негативни особини или да разговарате за нешто за што не сте способни.

• Секогаш гледајте ја личноста во очи, не кружете со погледот наоколу.

• Никогаш не обидувајте се да привлечете некого така што ќе флертувате со други личности наоколу. Тоа е знак за незрелост и го прават луѓе кои немаат изграден став за она што го сакаат во животот, па за својот избор бараат потврда од пријателите.