Работи што не треба да ги правите во хотел – персоналот ги смета за неучтиви

Барате персоналот да ви завршува обврски

Освен ако не сте во луксузен, многу скап хотел, не можете да очекувате персоналот да се однесува како да ви се лични асистенти, дури и ако им нудите пари.

Не заборавајте дека тие се на работа и треба да се погрижат и за другите гости во хотелот, па не е во ред да ги терате да ви завршуваат обврски.

Не кажувате веднаш ако има проблем со собата

Штом ќе влезете во собата, ако забележите каков било проблем, веднаш пријавете го на рецепција или кај некој од персоналот.

Не чекајте до последниот ден и на крај да се жалите за лошото искуство.

Задачата на персоналот е да ви го направи престојот што е можно поудобен и тие сакаат кога им кажувате кога има некој проблем.

Секако, во ваквите ситуации важно е и да бидете учтиви.

Ги замолувате да внимаваат на вашиот миленик

Само затоа што хотелот дозволува миленици, не значи дека персоналот е должен да внимава на нив.

Вие самите сте одговорни за вашиот миленик и немојте да го оставате на рецепција или каде било и да барате некој од вработените да внимава на него.

Со ова им наметнувате преголема одговорност за која не се ни должни да ја преземат.

Им поставувате лични прашања на вработените

Задачата на вработените во хотелот е да ве услужат, а притоа да бидат љубезни со вас.

Но, ова не значи дека тие сакаат да си разговараат со вас и да споделуваат лични детали.

Дозволете им да си ја вршат должноста професионално и барајте ги само за работи поврзани со престојот во хотелот.

Ако сепак сакате да направите пријателски разговор, држете се до теми како спорт или временска прогноза.

Спирова С. | Црнобело