Морничаво: Мажи кои си ги убиле сопругите на медениот месец

Ернест Думолин

Во 1970-тите, Ернест Думолин ја запознал неговата сопруга Хелга Конрад преку реклами за сингл лица – ретро верзија на денешните апликации за состанување.

По две недели, отишле во Шкотска каде што се венчале и планирале таму да го поминат медениот месец

Ноќта по венчавката, Ернест ѝ предложил на новата сопруга да прошетаат.

Се искачиле на карпа, кога Ернест ја прегрнал сопругата и ја турнал.

Нејзиното тело го нашол локалец кој повикал полиција. Следниот ден го лоцирале Ернест, го испрашале и ја пребарале собата што ја делел со сопругата.

Ернест тврдел дека Хелга се сопнала и паднала, но во собата биле најдени докази дека тој планирал да го искористи нејзиното животно осигурување.

Имено, тој пробал да ги земе парите уште наредниот ден по смртта на сопругата, но осигурителната компанија не сакала да му исплати бидејќи нејзината смрт не била разјаснета.

Ернест си заработил доживотна казна затвор, но бил ослободен по 16 години.

Ентони Едвин Киркус

Ентони и сопругата Кетрин Ен се зближиле бидејќи и двајцата пиеле многу алкохол.

Но, кога бил пијан, Ентони бил насилен – еднаш толку многу ја истепал Ен, што таа повикала и полиција.

И покрај домашното насилство, во 2003-та Кетрин се согласила да се венча со Ентони, и тоа во Лас Вегас.

Овде останале и за медениот месец, каде што пиеле речиси постојано.

Неколку дена по венчавката, додека и двајцата биле под дејство на алкохол, тие се скарале.

Ситуацијата брзо ескалирала – Ентони ја нападнал Кетрин, почнал да ја удира и на крај ја задавил.

По ладнокрвното убиство, веднаш заминал од хотелот, а телото на Кетрин било најдено неколку дена подоцна.

Ентони бил лоциран благодарение на кредитните картички и бил уапсен. Го признал убиството и добил 19-годишна казна затвор.

Мишел Еското

Мишел Еското барал начин да заработи многу пари за краток период. Некако успеал да ја натера тогашната девојка – Венди Трапага – да потпише полиса за животно осигурување од 1 милион долари.

Набрзо потоа ја натерал да се венчаат, но и да го лаже нејзиното семејство дека е бремена.

Во меѓувреме, тој се сретнал со поранешна девојка на која ѝ кажал дека планира да ја убие Венди, но да го инсценира убиството така што ќе изгледа како предозирање.

По венчавката, Мишел и Венди отишле на меден месец во локален хотел каде што тој ѝ ставил дрога во пијалак.

Кога Венди изгубила свест, пробал да ја удави во џакузито, но безуспешно.

По ова, ја ставил во автомобил и отишол на оддалечена локација каде што ја удирал и ја задавил. Таму го оставил и телото.

Телото на Венди било најдено неколку дена подоцна, а на испрашувањето Мишел рекол дека ноќта кога умрела, се скарале и тој излегол од хотелот.

Полицијата се сомневала, но немале доказ дека тој е убиецот.

Два месеца подоцна, Мишел пробал да ги добие парите од животното осигурување. Ја тужел осигурителната компанија со надеж дека ќе го добие милионот.

Но, на судењето неговите изјави во врска со смртта на сопругата биле контрадикторни, па лесно бил фатен.

Добил доживотна казна затвор, без можност за помилување.

Спирова С. | Црнобело