Почнала афера со сопругот на пријателка, па ја убила со секира – Како Кенди Монтгомери од САД избегнала затворска казна за убиство?

Кенди Монтгомери почнала афера со сопругот на нејзината пријателка. Но, откако завршила аферата, таа ја убила пријателката на свиреп начин – ѝ нанела дури 41 повреда со секира. На големо изненадување на сите, Кенди била прогласена за невина.

Во 1980 година, во САД се случило грозоморно убиство кое до денес ја буни јавноста. 30-годишната Кенди Монтгомери ја убила нејзината добра пријателка со секира.

Но, подоцна била ослободена бидејќи успеала да ја убеди поротата дека станувало збор за самоодбрана.

Уште поморничаво е што убиството се случило на петок 13-ти, и тоа само околу еден месец по премиерата на сега култниот филм Friday the 13th.

Што точно се случило и како Кенди ја избегнала затворската казна?

Во 1977 година, Кенди Монтгомери и нејзиниот сопруг Пет се преселиле во гратче во Тексас, заедно со нивните две деца.

Таму тие редовно ја посетувале локалната црква.

Токму во црквата, Кенди ја запознала Бети Гор – учителка во основно училиште.

Кенди Монтгомери

Двете жени почнале заедно да пеат во црковниот хор, а се зближиле уште повеќе бидејќи нивните ќерки станале добри пријателки.

Покрај тоа, тие практично биле соседи – Бети, со сопругот Алан и двете деца, живеела во непосредна близина на домот на Кенди и Пет.

Во октомври 1978 година, Кенди почнала да флертува со сопругот на Бети. Наводно, му рекла дека ѝ се допаѓа и му предложила да почнат да се гледаат.

Бети со сопругот Алан и децата

Сопругот Алан се согласил, а двајцата се договориле дека нивната афера ќе биде само за секс и ништо друго.

Додека траела аферата, Кенди продолжила да се дружи со Бети.

Но, по некое време Алан почнал да чувствува вина, па решил да стави крај на аферата. Според некои извори, со сопругата Бети почнале да одат и на брачен советник со надеж дека ќе го спасат бракот.

На 13-ти јуни 1980 година, неколку месеци откако завршила аферата, Кенди ја убила Бети.

Бети со двете деца

Тој ден Алан не бил во гратчето и почнал да се загрижува откако не успеал да ја добие сопругата Бети на телефон.

По неколку неуспешни обиди, тој замолил некој од соседите да отиде во неговиот дом и да ја провери сопругата.

Неколку соседи успеале да влезат во куќата и ги пречекала страшна глетка – Бети лежела мртва на подот во локва крв. Речиси и да немала десно око и целата десна настрана на лицето ѝ била практично уништена.

Во близина на нејзиното мртво тело имало тешка и голема секира.

Полицијата утврдила дека Бети била удрена со секирата 41 пат. Односно, Кенди продолжила да ја напаѓа дури и откако била почината.

Бидејќи Кенди била последната личност која ја видела Бети жива, веднаш станала прва осомничена и била уапсена околу две недели по убиството.

Бил најден и крвав отпечаток од неа, со што се потврдило дека таа го извршила нападот.

Продолжува на следната страница...