Најчудните закони на светот

Еден од уредниците на британски Тајмс составил листа на најчудни закони на светот, а меѓу нив секако на прво место е оној во Франција кој забранува...

 

 

...свињите да се одзиваат на името Наполеон, и законот во Охајо според кој е забрането рибите да бидат изложени на алкохол. Погледнете ја листата:

1. Во Англија постои закон според кој во такси не смее да се вози бесно куче ниту пак мртовец.

2. Илегална е смрт во зградата на англискиот парламент.

3. Во Франција е забрането свињата да ја крстиш Наполеон.

4. Во Алабама, САД забрането е да се носи превез околу очите за време на управување со моторно возило.

5. На Флорида е илегално да возите скејтборд во полициска станица.

6. Казната за мастурбирање во Индонезија е одзимање на животот (т.е. ви ја сечат главата).

7. Во Велика Британија трудниците можат да вршат нужда во јавност на било кое место.

8. Во Вермонт жените мораат да имаат писмена дозвола од мажот за да носат забна протеза.

9. Во Бахраин, машките гинеколози мораат да вршат преглед на пациентките така што одразот на нивните гениталии ќе го гледаат во огледало. Било каков допир со пациентките е најстрого забранет.

10. Во градот Булдер, во Колорадо со закон се казнува убивањето птици, или да се именувате како сопственик на куче или некој друг љубимец. Можете да бидете љубители на животните, но не и сопственици.

11. Во градот Честер, на Велшаните им е дозволен престој исклучиво од зори до затемнување, во спротивно можат да бидат задржани во притвор.

12. Во градот Јорк легално е да убиеш човек во подрачјето на стариот град доколку тој носи лак и стрела.

13. Законите во американската држава Охајо строго забрануваат алкохолизирање на рибите.