Во Сингапур е забранета продажбата на мастики, во Виетнам сите слават роденден во ист ден – 12 интересни факти за Азија

Десет од најголемите трговски центри во светот се наоѓаат во Азија, а најголемиот е во Донгуан, Кина. Но, овој трговски центар е скоро празен, зашто малку трговци изнајмуваат простор тука, а во продавниците што се отворени скоро и да не влегуваат купувачи.

Сингапур има зграда инспирирана од огромна машина од филмот „Star Wars“. Зградата „The Sandcrawler“ е отворена во 2013 година, а тука денес се сместени канцелариите на филмското студио Lucasfilm Ltd.

Југоисточна Азија е дом на најголемиот цвет на светот – рафлезија. Расте во шумските делови на Малезија, Тајланд и Индонезија. Цветот достигнува големина и до еден метар, но испушта непријатен мирис. Рафлезијата е официјален државен цвет на Индонезија.

Западен Тајланд е дом на лилјакот со свински нос, кој некои го сметаат за најмал цицач во светот. Овие лилјаци раѓаат едно потомство годишно и обично живеат како дел од колонија.

Азија има најголем број милијардери во светот, а само Кина има повеќе милијардери од САД. Но, голем број Азијци живеат во сиромаштија, некои од нив со помалку од 1 долар дневно.

Се верува дека до 90% од Азијците од југот на Азија се нетолерантни на лактоза. Некои Азијци немаат ензим наречен лактаза или имаат пониски нивоа, што значи дека не можат да ја сварат лактозата од млечните производи.

А. Ј. | Црнобело