Во Сингапур е забранета продажбата на мастики, во Виетнам сите слават роденден во ист ден – 12 интересни факти за Азија

Во Кореја има посебен датум за самци кои сакаат да го прослават Денот на вљубените, Сингапур има зграда инспирирана од машина од филмот „Star Wars“, најголемиот трговски центар во светот е во Кина, но таму скоро и да нема дуќани што работат или купувачи... На што прво помислувате кога ќе се спомене Азија, најголемиот светски континент?

Најголемиот светски континент, Азија, е дом на 60% од вкупното население. Тука се наоѓаат две од седумте светски чуда (Таџ Махал и Кинескиот ѕид), највисоката зграда во светот (Бурџ Халифа), највисоките планински врвови, а луѓето на азискиот континент се познати и како најголеми консументи на ориз во светот.

Иако сигурно знаете многу за Азија, нешто од часовите по историја и географија, нешто од работите што сте ги прочитале, сепак постојат интересни работи за овој континент кои ретко кој ги знае.

Во продолжение прочитајте 12 забавни факти за Азија:

Зборот Азија е женско име, а значи изгрејсонце.

Во Кореја има посебен датум за самци кои сакаат да го прослават Денот на вљубените. Тие слават на 14 април, кој е познат и како „Црн ден“. Самците на тој ден вообичаено нарачуваат чинија јајангмјеон, јадење од нудли и темен сос.

Во Сингапур е забранета продажбата на мастики од 1992 година. Тука има строги закони и против фрлање отпадоци, пишување графити, плукање, дување нос во јавност или уринирање надвор од тоалетите.

Кинезите секоја година произведуваат 45 милијарди стапчиња за јадење. И покрај огромната бројка, некои кинески ресторани увезуваат стапчиња за јадење од американски производители, кои често користат полесни дрва кои не треба да се избелуваат.

Кина има само една временска зона иако се протега на 9.957 милиони километри квадратни. За споредба, територијата на Кина е приближно иста по големина како САД, која има шест различни временски зони.

Во Виетнам, Новата година се нарекува Тет, а тоа е исто така и денот кога сите слават роденден. Бидејќи во Виетнам многу луѓе не знаат кога се родендени, Тет станал универзален роденден за сите во државата.

Продолжува на следната страница...