Како изгледа предлог дизајнот за еколошка зграда во Њујорк, која го „впива“ јаглеродот од воздухот?

Њујорк е познат по облакодерите, а сега изгледа ќе добие уште една градба која ќе ги засени сите. Уште подобро е што оваа градба ќе биде еколошка и ќе го намалува количеството на јаглерод во воздухот.

Студиото Rescubika, чие седиште е во Париз, неодамна сподели навистина интересен предлог дизајн за зграда во Њујорк. Дизајнот бил предложен како дел од проектот „City of Tomorrow“, чија цел е до 2050-та Њујорк да стане град без емисија на јаглерод.

Со висина од околу 700 метри, ова ќе биде една од највисоките згради не само во Њујорк, туку и во светот. Огромната градба, која го добила името „Mandragore“, ќе биде опремен со 30-тина ветерници, но и соларни панели поставени на површина од 2.000 метри квадратни.

Истовремено, во градбата ќе бидат сместени 1.600 дрвја, а на сите 160 катови ќе има „живи“ ѕидови со растенија. Токму со овој дизајн, градбата ќе апсорбира повеќе јаглерод отколку што ќе ослободува, па ќе го прочистува околниот воздух.

Со цел да се намали емисијата на јаглерод од зградата, за енергија ќе се користат соларните панели и ветерниците. За изградба ќе се користат многу природни материјали, со што дополнително ќе се намали загадувањето, а наводно градбата ќе има и поеколошки систем за затоплување.

И самиот дизајн на зградата е навистина добар – подолните катови наликуваат на брод, а кон задниот дел се издигнува огромната кула.

Кога ќе се земат предвид сите проблеми за кои овој проект има решение, ништо чудно во иднина да гледаме многу повеќе вакви згради, можеби дури и кај нас.

Спирова С. | Црнобело