Хотелска соба во која се чувствувате „како дома“

Што e тоа што најчесто го забележувате кога ќе влезете во хотелска соба? Просторот на собата доста често е исполнет со голем кревет, комода и гардеробер кој најчесто зафаќа еден ѕид.

За плус се смета ако собата има масичка на која може да завршите некоја работа.

Но, што ако хотелот нуди специјална соба која личи на вистински дом - комплет со кујна, простор за дневен престој, трпезарија, мала домашна канцеларија и скриена спална соба?

Тоа е нешто на што не би можел никој да одолее.

Овој апартман, кој зафаќа само 24 метри квадратни, е одличен пример како може максимално да се искористи просторот.

Вака направената хибридна хотелска соба ви дозволува да бидете вреден бизнисмен во текот на денот и задоволен сопсвеник на одмор.

Собата поседува голема трпезариска маса како главно акцентиран елемент во просторот, наместо вообичаениот голем кревет кој го среднуваме во другите хотелски соби.

Масата е идеална не само за јадење, туку и за работа, но и кратки состаноци исто така.

Дополнително, одбрани се комфорни столчиња, кои можат да послужат и за релаксација.

Компактната кујна обезбедена е со сите неопходни апарати за домаќинство.

Спалната соба е исполнета со голем брачен кревет, а поседува и телевизор - како награда за одмор после напорниот ден.

Белата боја на ѕидовите е одбрана за да не се забележува реалната квадратура, а црната боја на некои места креира одреден степен на драма во просторот.

С. У. | Црнобело