Водич: Како да ги комбинирате боите?

Наоѓањето на точна комбинација на бои е еден од најважните чекори во дизајнирањето на стилски и холистички изглед.

А, оваа листа може да ви помогне секогаш да ја најдете точната боја како при одбирање на бои на облека, така и во уредувањето на домот.

Шема број 1: Комплементарна комбинација

Комплементарни бои се оние кои седат спротивно една од друга во кругот на бои. Ваквата комбинација креира живи и силни ефекти, особено кога се при максимална сатурација (заситеност).

Шема број 2: Тријада – комбинација на три бои

Тријадата е комбинација од три бои кои се подеднакво оддалечени една од друга во кругот. Ваквата комбинација произведува висок контрастен ефект, но со хармонија на боите. Ваквата комбинација изгледа вибрантно дури и кога користите бледи и незаситени бои.

Шема број 3: Аналогна комбинација

Ова е комбинација од 2 до 5 (идеално 2 до 3) бои кои се во непосредна близина во кругот. Ваквата комбинација оддава мир и смирување со симпатичен впечаток. Пример за комбинирање на аналогни пригушени бои: жолто-портокалова, жолта, жолто-зелена, зелена, сина и зелена.

Шема број 4: Одвоена комплементарна комбинација

Ова е варијација на комбинацијата на комплементарни бои во која одбирате една примарна боја и две комплементарни (двете комплементарни бои се спротивно на примарната). Ефектот на шемата е доволно контрастен, но не е екстремно интензивен.

Шема број 5: Тетрада – комбинација од  четири бои

Оваа шема вклучува една примарна боја и две комплементарни бои во кругот, плус уште една боја која додава на контраст. Пример: сино-зелена, сино-виолетова, портокалово црвена и портокалово-жолта.

Шема број 6: Квадрат

Комбинација од четири бои кои се подеднакво оддалечени една од друга. Во овој случај боите се разликуваат во тонот, но исто така се и комплементарни. Ова создава динамичен и живописен ефект. Пример: виолетова, портокалово-црвена, жолта и сино-зелена.

Комбинација на одделни бои:

Бела: се комбинира со сè, посебно со сина, црвена и црна.

Беж: се комбинира со сина, кафеава, смарагдна, црна, црвена и бела.

Сива: се комбинира со фуксија, црвена, виолетова, розова и сина.

Розова: се комбинира со кафеава, бела, нане зелена боја,, маслинеста, сива, тиркизна и светло сина.

Фуксија: Се комбинира со сива, жолто-кафеава, нане зелена, боја на лајм, и кафеава.

Црвена: се комбинира со жолта, бела, црвено-портокалова, зелена, сина и црна.

Доматно црвена: се комбинира со цијан, нане зелена, боја на песок, кремасто-бела и сива.

Цреша црвена: се комбинира со азурна, сива, нежно портокалова, песочна боја, бледо жолта и беж.

Малинa црвена: се комбинира со бела, црна и боја на дамаска роза.

Кафеава: се комбинира си светла цијан боја, кремаста, розова, жолто-кафеава, зелена и беж.

Светло кафеава: се комбинира со светло жолта, кремасто бела, сина, зелена, виолетова и црвена.

Темно кафеава: се комбинира со боја на лајм, цијан, нане зелена и виолетово-розова

Црвенкасто кафеава: се комбинира со розова, темно кафеава, сина, зелена и виолетова.

Портокалова: се комбинира со цијан, сина, боја на јоргован, виолетова, бела и црна.

Светло портокалова: се комбинира со сива, кафеава и маслинова.

Темно портокалова: се комбинира со бледо жолта, маслинова, кафеава и цреша боја.

Жолта: се комбинира со сина, боја на јоргован, светла цијан, сива и црна.

Лимон жолта: се комбинира со цреша црвена, кафеава, сина и сива.

Бледо жолта: се комбинира со фуксија, сива, кафеава, нијанси на црвено, жолто-кафеава, сина и виолетова.

Златно жолта: се комбинира со сива, кафеава, азурна, црвена и црна.

Маслинова: се комбинира со портокалова, светло кафеава и кафеава.

Зелена: се комбинира со златно-кафеава, портокалова, жолта, кафеава, сива, кремаста, црна и кремасто бела.

Тиркизна: се комбинира со фуксија, цреша црвена, жолта, кафеава, кремаста и темно-виолетова.

Цијан: се комбинира со црвена, сива, кафеава, портокалова, розова, бела и жолта.

Темно сина: се комбинира со боја на јоргован, цијан, жолто зелена, кафеава, сива, бледо жолта, портокалова, зелена, црвена и бела.

Боја на јоргован: се комбинира со портокалова, розова, темно виолетова, маслинова, сива, жолта и бела.

Темно виолетова: се комбинира со златно кафеава, бледо жолта, сива, тиркизна, нане зелена и светло портокалова.

Црна: црната боја е универзална и изгледа елегантно со секоја боја, но посебно со портокалова, розова, бела, црвена, сивкасто виолетова, и жолта. 

Н. Г. | Црнобело