Квиз: 14 години од последниот концерт на Тоше Проески – дали ги помните најголемите хитови?
Чија си, Игри без граници, Громови на душа - продолжете го текстот од строфите на најголемите хитови на Тоше Просеки по повод 14-тата годишнина од неговиот последен концерт кој се одржа на Градски стадион во Скопје
Во 2007 година се случи страшна несреќа во која животот го изгуби една од најголемите и најталентираните македонски музички ѕвезди - Тоше Проески. Само неколку денови претходно, тој го одржа својот последен концерт.
Тоше Проески имаше само 26 години на денот на трагичниот настан, но дотогаш веќе ги имаше освоено срцата на Македонците од секоја возраст. Всушност, Тоше беше најголемата ѕвезда и на Балканот, не само во Македонија.
На денешен ден (5 октомври) пред 14 години Тоше го одржа својот последен концерт на Градскиот стадион во Скопје, а по тој повод решивме да ви подготвиме музички квиз со кој ќе се потсетиме на неговите најголеми хитови.
Во продолжение следат извадоци од 14 популарни песни на Тоше, а вашата задача е да ги довршите стиховите.