„Победи затоа што маж ѝ е милијардер“ – Русинката прогласена за „Мис омажена жена“ стана мета на критики (фото)

Детали

понеделник, 19 јуни 2023

„Колку вотка треба да имаш испиено за оваа жена да ти е најубава?“, гласи еден од коментарите за Наталија Оскар, која победи на рускиот избор „Мис омажена жена“, па се соочи со низа критики откако ја доби круната.

На почетокот на овој месец во Русија се одржа избор за најубава омажена жена, а титулата годинава ја зема Наталија Оскар (34). Според неа, таа заслужено ја добила титулата, а според јавноста нејзиниот успех се должи на богатството на нејзиниот сопруг.

Наталија, откако победи на изборот за убавина на 5-ти јуни се стекна со право да настапува на изборот за Мис на светот во Лас Вегас, а дополнително доби и патување на Бали.

„Има многу убави жени, но убавината не е доволна. Ни правеа тестови за сѐ: како се изразуваме, како се претставуваме себеси, какви ставови имаме за семејството и за светот, како реагираме на провокации, комуникацијата со другите натпреварувачки, дали знаеме да се справиме со конфликти и во стресни ситуации.

Да, ја избраа најсилната претставничка. Јас сум таа. И ќе ја носам титулата со гордост, додека ја претставувам мојата земја на интернационалните натпреварувања“ – рече таа.

Но, според многумина нејзината победа на изборот за најубава омажена жена е незаслужена и наместена.

Вистинско презиме на победничката е Безматерних и таа е сопруга на рускиот милијардер Роман Безматерних (45), за кого подоцна се дозна дека бил и еден од спонзорите на настанот.

Според јавноста Наталија не би требало воопшто да се натпреварува бидејќи е значително пониска од она што го пропишуваат правилата на изборот, а дополнително ѝ замеруваат и заради тоа што на Инстаграм објавува совршени фотки, кои воопшто не соодвествуваат со реалноста.

На фотографиите од изборот може да се забележи разликата во лицето на Наталија и јасно е дека „убавината“ ја добила благодарение на естетски корекции.

Победительница конкурса "Миссис Россия - 2023" Наталья Оскар. Прекрасная, как поздний путинизм. Желаю вам такой же красивой жизни, мохнатики, как эта пещерная леди. pic.twitter.com/WBaIeiaeDc

— Sasha Sotnik (@sasha_sotnik) June 6, 2023

„Колку вотка треба да имаш испиено за оваа жена да ти е најубава?“, „Сигурно бираа мис најголеми усни“, „Победи ужасната убавина“ – стои во дел од коментарите на Твитер.

Коментарите на социјалните мрежи беа толку многу гласни, што на крај се огласи и организаторката на настанот Ирина Кирсанова, која рече:

„Фотографиите од настанот беа неуспешни, не ја прикажаа во вистинско светло и ја сликале од долу. Во живо таа е целосно поинаква. Сите во жирито ја видоа во живо и на сите им се допадна.

Годинава одлучивме да ги намалиме критериумите, затоа што ова не е натпревар за модели, туку за омажени жени и мајки“ – рече таа.

Малку се знае за животот на Наталија пред да се омажи за рускиот милијардер, а за себе таа вели дека работи како професорка по англиски, иако според објавите на Инстаграм целото време го поминува во патувања на луксузни дестинации со сопругот и ќерката.

Повеќе фотки од Наталија на следната страница...